• Diuendres pro embromat e damb nheuades fòrça fèbles en còtes mieges e nautes. Dimenjada damb vent deth sud que rescauarà es temperatures.
    by Unknown on 22 novembre, 2024 at 06:27

    Aué diuendres 22 de noveme, serà ua jornada damb brumes e bromalhs baishi alternadi damb quauques clarulhes que se haràn mès frequentes a darrères ores. Vents deth nòrd-oest damb quauques bohades moderades, sustot en zònes anautites. Se pòden produsir precipitacions fòrça fèbles pendent eth maitin, que remeteràn pera tarde e qu'apenes incrementaràn es  cèlhs. Còta de nhèu ath torn des 1.000 m.

    Ambient heired sustot pera tarde e net (0°/5° en Betlan; -2°/3° en Tredòs).


    Eth dissabte 23, serà assolelhat damb quauques franges de bromalhs nauti e fòrça primi. Se harà notar eth vent deth sud que provocarà un mès que notable ascens de temperatures diürnes (2°/13° en Betlan; -1°/11° en Tredòs).


    Eth dimenge 24, seguiram damb solei e un shinhau de nivolositat nauta. Vents deth sud damb quauqua bohada moderada, inlús fòrta per moments.
    Temperatures rescauades peth vent d'España (7°/16° en Betlan; 5°/14° en Tredòs).